Leibonik - Жакі

Dm 
Калі быў я малы, з кучаравым чубом, 
На Вялікдзень у жакі хадзілі гуртом, 
C 
І суседскім бабулям чыталі старана, 
A# 
Вершы, якім навучыла мама: 
Dm 
Я маленькі жачок, паўзу як рачок, 
Скачу як жабка, дай кока бабка, 
C 
Не дасі кока, вылезе вока, 
A# 
Не дасі пірага, адсохне нага, 
C 
Не дасі двух - выпусціш дух 
A# 
Дай жа бабка яечка, каб не здохла авечка 
Dm C Dm 
Вясёлы нам дзісь дзень настаў, 
Dm C Dm 
Якога кожны з нас чакаў. 
Gm 
Мы будзем танчыць і песні спяваць 
Dm 
Смачна есці, шмат піць і зноў наліваць, 
C 
Закахацца ў суседку - гэта звычайна, 
Dm 
Будзьма разам - і ўсё будзе файна. 

Як падрос, то адкрыліся простыя знакі: 
Усё наша жыццё - вялікія жакі. 
Трэба з торбай шырока раскрытай хадзіць 
І ласункі шукаць, а часам прасіць. 
Я маленькі жачок, паўзу як рачок, 
Скачу як жабка, дай кока бабка, 
И так мы павінны прасіць у жанчыны, 
Не зробіш вячэру - падчэпіш халеру, 
Не пусціш да юбкі - размяркуюць у Крупкі, 
А прытуліш пяшчотна - размяркуюць ў Гродна. 

Вясёлы нам дзісь дзень настаў, 
Якога кожны з нас чакаў. 

Мы будзем танчыць і песні спяваць, 
Смачна есці, шмат піць і зноў наліваць, 
Закахацца ў суседку - гэта звычайна! 
Будзьма разам, і ўсё будзе файна. 

Калі стану стары й час прыдзе паміраць, 
Я не стану ў суме ў вакно пазяхаць, 
І смерці кастлявай скажу я шчасліва 
Перад тым сербануўшы цёмнага піва: 
Я маленькі жачок, паўзу як рачок, 
Скачу як жабка, дай пажыць яшчэ, бабка. 
Дай мне ноч і світанак - пацешыць каханак, 
А там прыдуць госці - дадуць табе ў косці. 
Дай яшчэ ажаніцца, і моцна напіцца, 
Святане памірае - пацерпіш, старая. 

Вясёлы нам дзісь дзень настаў, 
Якога кожны з нас чакаў. 

Мы будзем танчыць і песні спяваць, 
Смачна есці, шмат піць і зноў наліваць, 
Закахацца ў суседку - гэта звычайна! 
Будзьма разам, і ўсё будзе файна.

{youtube}vdjsBHt3_xY{/youtube}